“Magjia” e Begzad Sinanit

Kamenicë – Begzad Sinani ka vizituar Shipashnicën e Epërme dhe është shprehur i kënaqur që me përkushtimin e tij ka arritur të ndalojë degradimin e ambientit. Kurse opozita thotë se ky është vetëm një mashtrim optik që përmes facebokuut po e bënë Begzad Sinani sepse gjendja është krejt ndryshe në Kamenicë.

Vizitat e shpeshta në teren dhe paraqitjet e tija të shpeshta në facebook po shihen si “magji” nga ana e opozitës.

Sinani ka vizituar Shipashnicën e Epërme ku thotë se ka treguar vëmendjen dhe përkushtimin e tij për ndërprerjen dhe mbrojtjen e ambientit në këtë pjesë.

Sinani ka thënë se me masat e ndërmarra ka arritur që tani uji të jetë më i pastër, derisa ka intervenuar edhe në rregullimin e rrugës.”Objektiva dhe premtime që jam zotuar para banoreve të kësaj ane. Vendimet duhet të respektohen deri në fund” ka shkruar Sinani.

Por këto paraqitje të shpeshta të Sinanit po shihen si mashtrim optik në sytë e qytetarëve nga ana e opozitës. LDK në Kamenicë vlerëson se Begzad Sinani jo vetëm që po i mashtron qytetarët, por po e mashtron edhe vetën sepse gjendja është shumë e rëndë në Kamenicë”./rajonipress/