Magbulja po lë gjurmë në kohë me artin piktural

Gjilan – Magbule Xhemaili është njëra nga piktoret e shquara jo vetëm në Gjilan, por edhe më gjerë. Kjo është një piktore e “heshtur”, por e zellshme dhe shumë punëtore. Magbulja punon dhe s’ndalet. E do artin e pikturës, por edhe arti është bërë pjesë e pandashme e saj. Shih për këtë, ajo çdo ditë po tregon suksese në artin e pikturës. Emri i saj tashmë i ka kaluar kufinjtë e shtetit tonë. Me brushën e saj po e pushton botën. Pra, po lë gjurmë në kohë me artin piktural.

Ajo, para pak kohe ka hapur ekspozitën e saj personale me titull “Gjurmë në kohë” në Rozhajë të Malit të Zi. Është hera e parë kur kjo piktore nga Kosova (Gjilani), ka prezantuar opusin e saj nga arti piktural jashta kufijve të shtetit tonë. Kjo është një ngjarje e këndshme kulturore për të gjithë ne, e cila, para pak kohe, ajo ka prezantohet 30 punime në Rozhajë të Malit të Zi.

Pra, kjo piktore gjilanase ka bërë emër me paraqitjen e saj në artin e pikturës. Ajo gjer më tani ka pasur disa ekspozita personale e një numër të tyre kolektive. Pikturja e saj është një vepër përjetuese shpirtërore, e cila shënon momente e ngjarje kohësh, por edhe ngjarje aktuale, të cilat na rrethojnë gati çdo ditë dhe janë pjesë e jetës së njerëzve tanë. Kësaj here, ekspozitë personale në Rozhajë të Malit të Zi, ka qenë, jo vetëm një befasi e këndshme e krijimtarisë së saj artistike, por edhe një vepër mjaft e shkëlqyer e artit të saj piktural. Siç dihet, ekspozitën e saj e ka shpallur të hapur Aldemar Ibrahimoviq, i cili ka theksuar se kur të shikohet krijimtaria artistike e Magbule Xhemailit, ajo del si një “zëdhënëse” e kohës në të cilën jetojmë, por edhe si një dëshmitare e një kohe dhe realiteti jete. Jo vetëm kaq.

Magbule Xhemaili është e lindur në Pogragjë të Gjilanit, më 1976. Shkollën fillore e kreu në vendlindje, ndërsa gjimnazun “Zenel Hajdini” në Gjilan, më 1995. Ajo me kohë është regjistruar Fakultein e Artit Figurativ pranë Universitetit të Prishtinës në Degën e pikturës, në klasën e Akademik. Prof. Muslim Mulliqit. Ka diplomuar, më 2000 në klasën e Prof. Xhevdet Xhafa. Po ashtu, ajo ka mbaruar magjistraturën me sukses temën e diplomës “Struktura e grafitit në pikturë”, te Prof. Esat Vallës, më 2008.

Magbulja është mësimdhënëse e lëndës së Artit figurativ në Gjimnazin “Zenel Hajdini” në Gjilan. Nga tetori i vitit 2012 deri në qershor 2013 punoi si bashkëpunëtore e jashtme në Fakultetin e Edukimit në Gjilan në cilësinë e asistentes në lëndën Arte të Bukura. Nga shkurti 2014 vazhdon të punojë në Fakultetin e Edukimit në Universitetin “Kadri Zeka” në Gjilan, në cilësinë e Asistentes në lëndën e Vizatimit dhe lëndës Arte të bukura. Jo vetëm kaq. Ajo ka një bagazh të veprimtarisë së saj nga arti i pikturës.

Më 1999 bëhet anëtare e Shoqatës së Artistëve Figurativ të Gjilanit; më 2000 e udhëheq kursin e fotografisë Artistike; në vitin 2000 themelon OJQ- në Grupit të Artistëve të rinj “ Botart ”; Më 2001 realizoi në bashkëpunim projektin e quajtur “Muri i Paqës” mural i pikturuar në një ndërtese në qendër të Gjilanit; më 2002 bëhet anëtare e Shoqatës së Artistëve Figurativ të Kosovës, SHAFK; më 2005 bëhet anëtare e SHAFM “Draudacum “- Gostivar – Maqedoni;më 2006 merr çertifikatë nga seminari treditor me temën “Trajnimi i mësimdhënësve rreth metodologjive të reja të mësimdhënies në lëminë e artit figurativ – Art terapi “organizuar nga Foundation together –Slloveni & QPEA – Ferizaj; më 2008 ka hapur ekspozitën e femrës kreative me moto:“ Ne jemi ato që…”; më 2008 ka kryer kursin për disanj Grafik etj.

Ekspozitat e saja personale

Magbule Xhemaili ka hapur këto ekspozita personale, si janë: Më2009 – ” Gjurmë në kohë “/
Galeria e Ministrisë së Kulturës, Prishtinë; më 28 shtator 2009 – ” Gjurmë në kohë “/ Galeria e Arteve, Tetovë – Maqedoni; më 21 mars 2014 – Ekspozitë individuale në objektin e zyrës së Kryetarit të Komunës – Gjilan; më 13 qershor deri më 9 korrik 2014, hap ekspozitën Ndërkombëtare në Hamburg të Gjermanisë etj.

Ekspozitat kolektive të saja janë:

Më vitin 1998 – 2013 “Flaka e Janarit” Galeria e Arteve, Gjilan; më 2000 – “Shpërthimi” Ekspozitë e klasës së profesorit Xhevdet Xhafa – “Hani i 2 Robertëve”, Prishtinë; më 2000 – “Udhëtime në kujtesë” – Ekspozitë e Fotografisë Artistike, Galeria e Arteve e Kosovës, Prishtinë.

2000 – Centre Philippe Auguste 27200 Vernon, Francë; më 2002 – “Shoqata e Artistëve Figurativ të Gjilanit”, Galeria e Arteve e Kosovës, Prishtinë;
Më 2003 – 2007 “Femra krijuese” Galeria e Arteve, Gjilan; më 2003 – “Arti dhe Natyra” ekspozitë kolektive përballë Teatrit Kombëtar në Prishtinë; më 2004 – “Bienali Ndërkombëtar i vizatimit”, Galeria e Arteve e Kosovës në Prishtinë; më 2004 – “Salloni Pranveror” Muzeu i Kosovës, Prishtinë; më 2004 – “Salloni i XXXI i Nëntorit”, Galeria e Arteve e Kosovës – Prishtinë; më 2005 – “Ekspozitë kushtuar 8 Marsit” Muzeu i Kosovës, Prishtinë; më 2005 – “My Changes 3” “Kështu nuk vritet një grua” Galeria Kombëtare e Arteve –Tiranë; më 2005 – Ekspozita – Kolonia Artistike “Gostivari ’05”- Galeria e Qendrës për Kulturë, Gostivar; më 2005 – 2007 “Ekspozitë Mbarëkombëtare” – Galeria e Qendrës për Kulturë, Gostivar; më 2006 dhe 2008 “Gjonmili” Ekspozita e VI – të & VIII – të Ndërkombëtare e Fotografisë, Galeria e Arteve, Prishtinë; më 2006 – “Ekspozitë e stud. të Fakultetit të Arteve Prishtinë ” Qendra Ndërkombëtare e Kulturës, Tiranë; më 2006 – 2007 “Ditët e Kulturës shqiptare në Maqedoni” Galeria Çifte Hamam, Shkup; më 2006 – “Çmimi Muslim Mulliqi” ekspozitë në Galerinë e Arteve të Kosovës, Prishtinë; më 2008 – “Muaji i Parë i Pavarësisë” Ekspozitë e Fotografisë artistike, Galeria e Arteve, Gjilan; më 2008 – “ Ne jemi ato që…” ekspozitë e Femrës kreative në Galerinë e Arteve, Gjilan; më 2008 – “ Ne jemi ato që…” ekspozitë e femrës kreative në Galerinë e Arteve e Kosovës, Prishtinë; më 2008 – “Ekspozitë kolektive – përvjetori i themelimit të PDK- së”, Kafe / Galeria e PDK-së, Gjilan; më 2009 – “ Shoqata e Artistëve Figurativë të Gjilanit ” – Galeria e Arteve, Pejë; më 2009 – “ Salloni i Gjilanit ” – Galeria e Arteve, Gjilan; më 2010 – “ Gjon Mili” edicioni i 10- të/ Galeria e Arteve e Kosovës, Prishtinë; më 2010 – Kolonia Artistike ,, Apollo 2010,, Fier, Shqipëri; më 2010 – Ekspozita Mbarëkombëtare ” Çmimi i Nëntorit ” Gostivar, Maqedoni; më 2010 – Ekspozita Ndërkombëtare e Fotografisë Artistike ,, Fokus,, Fier – Shqipëri; më 2011 – Kolonia Artistike Ndërkombëtare“ Ulqini 2011”, Ulqin; më 2011 – Ekspozita e kolektive “ Ulqini 2011”, Ulqin; më 2012 – Ekspozita në Plejada e Artistëve Ndërkombëtarë – Prishtina 2012; më 2012 – “Arti dhe Gruaja” ekspozitë në Kuvendin e Kosovës; më 2012 – Ekspozita – Kolonia Mbarëkombëtare te Artit “ GOSTIVARI QYTET I MIQVE”; më – 2012- 2013 – Ekspozita në Plejada e Artistëve Ndërkombëtarë – Prishtina; më 2013; më 2013 – Ekspozita Ndërkombëtare e Formatit te vogël – Galeria e Universitetit Ndërkombëtar në Novipazar; më 2014 – Ekspozita në Kolonia Artistike Ndërkombëtare “ Pogradeci 2014 “ dhe më 2015 – Ekspozita “ Flaka e Janarit “ Galeria e Arteve në Gjilan.

Magbule Xhemaili, piktore nga Gjilani, për veprimtarinë e saj artistike mori më dhjetëra mirënjohje e çmime të merituara nga komuna dhe nga institucionet tjera të kulturës. Ajo po e pushton botën me artin e saj të bukur e joshës për të gjithë. Ne i uruam shumë suksese! /tefik selimi/rajonipress/