Mafio-politika po e zhduk klasën e mesme

Kriza e thellë ekonomike, që e ka kapluar vendin nga qeveritë e papërgjegjshme dhe korruptive të gjertanishme për shumë vjet, ka bërë që në Kosovës të krijohen vetëm dy shtresa, ajo e të pasurve dhe shtresa e të varfërve.

“Kosova është vendi i vetëm në Evropë që i ka 98 për qind të popullatës të varfër dhe shtresën e të pasurve prej 2 për qind, ku bëjnë pjesë mafiobizneset të lidhura me shtetin dhe me politikanët, si edhe mafiopolitikanët tanë që po e drejtojnë shtetin. Ndërsa, e veçanta është shtresa e mesme, e cila thuajse nuk ekziston fare në Kosovë”, thotë deputeti Pal Lekaj

Kriza e thellë ekonomike, që e ka kapluar vendin nga qeveritë e papërgjegjshme dhe korruptive të gjertanishme për shumë vjet, ka bërë që në Kosovës të krijohen vetëm dy shtresa, ajo e të pasurve dhe shtresa e të varfërve.

Analistët e ekonomisë dhe deputetët e Kuvendit të Kosovës thonë se shtresa e mesme në Kosovë nga viti në vit po pakësohet dhe po shkon nga zhdukja. Deputeti i Kuvendit të Kosovës, Pal Lekaj, thotë për gazetën se nuk ka pasqyrë më të mirë të kësaj gjendjeje, se në Kosovës nuk ka fare shtresë të mesme, sesa eksodi i mijëra shqiptarëve që ndodhën në fund të vitit të kaluar dhe në fillim të këtij viti. “Eksodi i shqiptarëve dhe ikja masive e të rinjve dhe e mjekëve tanë është një pasqyrë e krizës së thellë ekonomike, që e ka gjetur Kosovën e qytetarët e saj nga qeveritë e papërgjegjshme dhe korruptive të pasluftës në vendin tonë, e në veçanti binomit aktual qeverisës, Isa Mustafa-Hashim Thaçi, që e ka shtrirë përtokë ekonominë edhe ashtu të brishtë të Kosovës”, thotë Lekaj./kosova sot/