Uji Dea

LVV vazhdon të jetë zëri i fuqishëm i gruas

/ 3 minuta lexim
Mobi Casa

Gjilan – Kryetari i qendrës së Lëvizjes VETËVENDOSJE! në Gjilan, njëherësh edhe kryetari i Komunës së Gjilanit, Alban Hyseni, së bashku me kryetaren e GVV-së njëherësh edhe ministre e Drejtësisë, Albulena Haxhiu dhe kryetaren e GVV-së në Gjilan, deputeten Arijeta Rexhepi mbajtën tubim me vajza e gra në kuadër të javës së Gruas të kampanjës “Marsi sjell pranverën, gratë barazinë!”.

Në këtë tubim u diskutua për barazinë gjinore, politikat e Lëvizjes që i ka për gratë dhe masat që po ndërmerren në fuqizimin e gruas në Kosovë. U përmend se, qeveria Kurti ka realizuar; Shtesat për 400 mijë fëmijë, shtesat për 45 mijë lehonat e papuna, mbështetje direkte në punësimin e mbi 12 mijë grave, mbështetje të bizneseve të udhëhequra nga gratë.

Ndërsa në shëndetësi, për herë të parë në Qendrën Klinike Universitare të Kosovës bëhet rikonstruktimi i gjirit për gratë të cilat e kanë mposhtur kancerin. Tashmë ofrohet mamografi falas për të gjitha gratë dhe Vaksina HPV e cila në mënyrë direkte e parandalon kancerin e qafës së mitrës, për herë të parë në Kosovë.

Kanë filluar gjithashtu për herë të parë investimet në shërbimet që ofrohen në Klinikën e Gjinekologjisë

Në arsim, bursat për studentet e vajzat në programet STEM dhe bursat për komunitetet e ndjeshme. Vetëm me STEM kemi rreth 3,000 studente përfituese. Kjo politikë tregon përkushtimin tonë për të përmirësuar qasjen dhe mundësitë për të gjitha gratë në arsimin në vend.

Në ekonomi, subvencionimi i pajisjeve të energjisë për nënat vetëushqyese dhe pjesëmarrja e gruas në bordet e ndërmarrjeve publike, janë disa nga masat që po ndërmarrim për të përmirësuar pozitën e grave në sektorin ekonomik.

KKVITI

Si rezultat i subvencionimit të një pjese të kryegjësë së kredisë nga Qeveria, kemi përkrahur kreditë në pronësi të grave për të zgjeruar aktivitetet biznesore të tyre, në vlerë prej mbi katër milionë euro.

Gjithashtu, Hyseni tregoi se në Komunën e Gjilanit gjatë vitit 2023, numri i lehonave përfituese nga subvencionimi nga shtesat për çdo fëmijë të lindur është 436. Shuma totale për 2023 e shpenzuar për këto subvencione është 56,300 euro. Nga subvencionimi për barna dhe trajtime shëndetësore nga 940 përfitues në total 509 janë gra dhe vajza. Shuma totale e subvencionimit për barna dhe trajtim ka qenë 122,230 euro.

Përmes projektit për subvencionimin e pagës nga komuna për punësimin e personave me nevoja të veçanta, nga gjithsej 13 përfitues, 6 janë gra e vajza. Tani në QKMF kemi ofruar edhe dy shërbime shumë të nevojshme, mamografia dhe Pap-testi, te cilat janë pa pagesë.

Gjithashtu për herë të parë në Komunën e Gjilanit përmes thirrjes publike janë subvencionuar bizneset që pronare të tyre janë gratë.

Deputetja Arijeta Rexhepi në fund të pranishmëve iu tha se muaji mars na ka sjellur aktivitete të shumta, për gratë, për barazinë, për aktivizmin e vajzave dhe grave, sikurse tubimi i organizuar nga Gruaja në VETËVENDOSJE! Barazia, mirëqenia e gratë në vendimmarrje janë parimet bazë se si organizatë i kemi promovuar dhe vazhdojmë t’i promovojmë edhe në qeveri. Lëvizja VETËVENDOSJE! Vazhdon të jetë zëri i fuqishëm i gruas.