Lutfi Haziri voton me bashkëshorten: “Jepni dashni qytetit tuaj”

Gjilan – Kandidati dhe politikani gjilanas, Lutfi Haziri, ka ushtruar të drejtën e votës i shoqëruar nga bashkëshortja e tij, duke përcjellë një mesazh urimi dhe thirrje për qytetarët në ditën e zgjedhjeve.

Përmes një postimi publik, Haziri uroi të gjithë qytetarët e Gjilanit, Anamoravës dhe Republikës së Kosovës, duke e cilësuar këtë si një “ditë të bardhë” për demokracinë dhe pjesëmarrjen qytetare.

“Në këtë ditë bardhë, uroj të gjithë qytetarët e Gjilanit, Anamoravës dhe Republikës sonë. Ky qytet i paqes kërkon gjithmonë solidaritetin dhe mbështetjen e njerëzve të tyre. Jepni dashni qytetit tuaj!”, ka shkruar ai.

Mesazhi i Hazirit vë theksin te solidariteti, përkushtimi ndaj qytetit dhe rëndësia e pjesëmarrjes qytetare në proceset demokratike, duke ftuar qytetarët që përmes votës të kontribuojnë në të ardhmen e komunitetit të tyre./rajonipress/