Lutfi Haziri uron “Skifterat” për 20-vjetorin e themelimit: Kjo datë shënohet me shkronja të arta në analet e sportit kosovar

Gjilan – Kryetari i Komunës së Gjilanit, Lutfi Haziri, ka uruar tifo grupin “Skifterat” për 20 –vjetorin e themelimit.

Në telegramin e urimit dërguar presidentit të Sc Gjilanit dhe “Skifterave”, thuhet:

“I dashur president i SC Gjilanit, Florim Zuka,

Kryesi e nderuar e klubit,

Të dashur “Skiftera”,

Sot kemi shumë arsye që bashkë të festojmë ditën e themelimit të shoqërisë së tifozëve, “Skifetarat”.

Ky është moment që kthen në kujtesë shumë aktivitete, jo vetëm sportive, por kryesisht të bazuara në frymën olimpike që e shoqëron çdo aktivitettë organizatës suaj me të cilën identifikohet një pjesë e madhe e rinisë së qytetit.

Kjo datë shënohet me shkronja të arta në analet e historikut të sportit kosovar, ngase në këtë rreth shoqëror u kultivua fryma e miqësisë për t’ia ruajtur qytetit tonë epitetin e vendit mikpritës e bujar.

Për më tepër, “Skifterat” janë emër që vazhduan traditën hershme të tifozerisë gjilanase.

Urime 20-vjetori e ju priftë e mbara!”, thuhet në telegramin e kryetarit të Komunës, Lutfi Haziri./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).