Lutfi Haziri pritet të bëjë ndryshime dhe ndërrime drejtorësh, plus rishikim të koalicionit

Gjilan – Të premten sipas burimeve tona pritet të jetë mbledhja e fundit në përbërjen e tanishme të drejtorëve. Lutfi Haziri pritet të bëjë ndryshime e në veçanti në vendet ku udhëheqës janë zyrtarët që kanë aktakuza ose që janë të ndjekur penalisht.

Të premten mbahet mbledhja e fundit e Bordit të Drejtorëve në këtë përbërje. Sipas burimeve tona, Lutfi Haziri tashmë ka paralajmëruar ndryshime pas konsultimeve me partitë e koalicionit, duke mos e përjashtuar edhe rishikimin eventual të koalicionit.

Sipas të njëjtave burime shumë të besueshme javën tjetër pritet edhe të dihet përbërja e re dhe emrat e rinj që pritet të marrin obligime për përmbushje të programit “Gjilani 2013+” me Lutfi Hazirin kryetar.

Në shënjestër të ndryshime padyshim pritet të jenë ata drejtor ose zyrtar të lartë që kanë probleme me ligjin dhe që kanë aktakuza ose që janë të ndjekur penalisht saktësojnë të njëjtat burime./rajonipress/