Gjilan – Lutfi Haziri sipas të gjitha gjasave pritet të jetë kandidati zyrtar nga radhët e LDK-së në Gjilan për kryetar komune. Mbetet shumë mister angazhimi i Arbër Ismajlit për javë të tëra. Lutfi Haziri nuk do ta ketë të lehtë përballjen edhe pse është favoritë në raport me kandidatët e tjerë.
Lutfi Haziri më në fund ka vendosur që të jetë kandidati i vetëm nga LDK-ja për kryetar të komunës së Gjilanit. Haziri gjatë gjithë kohës ishte shprehur se “do e vlerësojë momentin” nëse do të jetë kandidatë dhe në anën tjetër vazhdimisht e nxiste Arbër Ismajlin që të hyjë në garë.
Por situata ndryshojë ditëve të fundit. Ishte Valentina Bunjaku Rexhepi ajo që vazhdimisht shprehej në favor të kandidaturës së Lutfi Hazirit dhe asnjëherë nuk e përmendte Arbër Ismajlin, me të cilin nuk flet ka një kohë të gjatë.
Në anën tjetër Arbër Ismajli dilte në teren, punonte me ekipet e LDK-së, me nëndegët dhe aktivistët e shumtë. Krijoi një simpati pozitive edhe nga qytetarë jashtë subjekteve politike dhe ende mbetet mister pse tërë kjo “joshje” dhe në fund Arbër Ismajli qitet nga loja.
Sidoqoftë Lutfi Haziri do ta ketë një garë të vështirë për të fituar edhe një mandat, por jo të pamundur. Madje në krahasim me kandidatët e tjerë Lutfi Haziri vazhdon të mbetet favorit edhe pse balotazhi mund ta fundos keq, meqë PDK mund ta votojë kandidatin e LVV./rajonipress/
