Lutfi Haziri ngushëllon familjen Kraja me rastin e ndarjes nga jeta të regjisores, Arzana Kraja

Gjilan – Me rastin e ndarjes nga jeta të regjisores së njohur kosovare, Arzana Kraja, kryetari i Gjilanit, Lutfi Haziri, ka ngushëlluar kryetarin e ASHAK-ut, Mehmet Kraja, familjen Kraja dhe komunitetin artistik.

“I nderuar kryetar i Akademisë së Shkencave dhe Arteve të Kosovës, Mehmet Kraja,

E nderuara familje Kraja,

Me pikëllim të thellë e mora lajmin për ndarjen e parakohshme nga jeta të vajzës suaj, regjisores së njohur kosovare, Arzana Kraja.

Arzana më nuk do të jetë në mesin tonë, për kontributi i saj i jashtëzakonshëm në kinematografinë kosovare do të kujtohet për sa të jetë jeta.

Akademik Mehmet Kraja, ju lutem t’i pranoni ngushëllimet më të sinqerta, ju, familja Kraja dhe komuniteti artistik.

Zoti ua lehtësoftë dhembjen!”, thuhet në telegramin e Hazirit./rajonipress/