Lutfi Haziri në Gjilan, apelon qytetarët që të dalin masivisht në votime për t’i dhënë solemnitet e manifestim vendit

Kryetari i Shtabit Zgjedhor të Lidhjes Demokratike të Kosovës në nivel qendror, njëherësh udhëheqës i politikave të partisë në këtë fazë, Lutfi Haziri, gjashtë vizitës në Shtabin e Degës, ka kërkuar nga qytetarët që të dalin masivisht në votime për t’i dhënë solemnitet e manifestim vendit.

“Nga vizita në Shtabin e Degës së Gjilanit, kuptova se dalja e qytetarëve deri në ora 11:00, është 8 për qind dhe krahasuar me zgjedhjet e fundit, është në trendin e njëjtë. Apeloj të gjithë qytetarët e Gjilanit, Anamoravës dhe krejt Kosovës që ta shfrytëzojnë këtë të drejtë të votimit për dalje sa më masive në zgjedhje. Kjo është dita juaj, kjo është dita e bardhë e Kosovës në të cilën ju e përcaktoni mandatin e ardhshëm të udhëheqjes së Republikës sonë. Me këtë vullnet, ju i zgjedhni deputetët dhe organet e reja të vendit. Mos e leni pa dalë që t’ia japim solemnitetin dhe manifestimin vendit tonë. Apeloj të qytetarët që të bashkëpunoni me organet e rendit dhe çdo parregullsi, çdo tendencë presioni dhe blerje votash, ta lajmërojnë në mënyrë që prokuroria dhe policia ta zbardhë procesin. Me fat!”, ka qenë mesazhi i kryetarit, Lutfi Haziri./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).