Lutfi Haziri: Goditja e tavolinave është metodë e Vetëvendosjes, ne jemi të butë

Nënkryetari i LDK’së, Lutfi Haziri, thotë se ata nuk ndjekin metodat e VV’së në politikë.

Sipas Hazirit, janë kundër goditjes së tavolinave.

“Për dikë në Kosovë, politika është oportunizëm në të cilën i realizon interesat e veta dhe shkon. Për neve politika është mjet me realizuar ëndrra. Kemi ndërtuar kauza”, tha Haziri në emisionin Pressing në T7.

“Tani kemi të bëmë me përfitues politikë. Për me i mbërri këto qëllime nuk po zgjidhen më mjete. Tek politika në Kosovë, ka qenë njëlloj kodi edhe gjatë luftës aktive dhe pasluftës ka qenë një kod përkundër dallimeve të mëdha që i kemi pasur, përkundër që ka pasur lista për vrasje e tendenca të tilla të skajshme të budallakive, nuk janë çu inatet deri në fund”, tha Haziri.

“Tani në kohë paqeje, dallimet politike po na dallojnë”, shtoi ai.