Lutfi Haziri e pret në shesh ndërrimin e motmoteve, uron gjilanasit për një vit të mbarë dhe me mirëqenie!

Gjilan – Ndërrimin e motmoteve e ka pritur së bashku familjen e tij dhe qindra qytetarë të Gjilanit, kreu i Komunës, Lutfi Haziri, në sheshin “Agim Ramadani”.

Fillimisht, kreu i Gjilanit ka vizituar shërbimin e kujdestarive të shtetit, Policinë e Kosovës, Shërbimin e Zjarrfikësve, Spitalin Regjional, përkatësisht Repartin e Gjinekologjisë dhe Qendrën e Mjekësisë Familjare në lagjen “Dardania”.

Haziri ka falënderuar ata për punën e madhe që po e bëjnë në shërbim të qytetarëve, përderisa pohoi se e gëzon fakti që deri tani nuk ka pasur asnjë incident.

Gjilanasit gjithmonë kanë treguar kulturë të lartë të qytetarisë. Deri tani nuk ka pasur asnjë ekces. I falënderoj dhe ndihem krenar me shërbimin e kujdestarive të shtetit të cilët po punojnë 24 orë në shërbim të qytetarëve. Uroj që viti 2018 të jetë vit më i mirë, më i mbarë dhe uroj mirëqenie e dashuri për të gjithë”, ka thënë Haziri.

Ndërkaq, festa në sheshin “Agim Ramadani” po vazhdon ende me koncertin festiv të organizuar nën përkujdesjen e kreut të Gjilanit me performomin e artistëve të qytetit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).