Lutfi Haziri deklarohet ushtar para Adem Jasharit – kërkon t’i njihet statusi i veteranit prej vitit 1991

Kryetari i Komunës së Gjilanit, Lutfi Haziri ka deklaruar së ka qenë pjesë e Ushtrisë së Kosovës prej vitit 1991.
Në aplikacionin për njohje të statusit të veteranit të Luftës së Ushtrisë Çlirimtare të Kosovës (UÇK), të siguruar nga portali “Infokusi”, Lutfi Haziri ka deklaruar se ka qenë ushtar nga data 15.09.1991, deri me 19.05.1999.

Haziri nuk e ka shkruar askund në formular që ka qenë Ushtar i UÇK-së, por i Ministrisë së Mbrojtës së Kosovës. Komandantë të tij, Haziri i ka shkruar Hajzer Hajzerin, Nazmi Musën dhe Ahmet Krasniqin.

Nga ana tjetër në biografinë e tij, e ka të shkruar se nga marsi i viti 1990-të ishte zgjedhur Kryetar i Forumit të Rinisë së LDK-së, në Gjilan dhe këtë funksion ai vet e ka deklaruar së e ka ushtruar deri në vitin 1997-të. Më pas po në atë kohë ai ka deklaruar së është zgjedhur nënkryetar i degës së LDK-së në Gjilan.

Ndryshe, aplikacioni i kryetarit të Gjilanit ka dalë shumë qesharak dhe i ka skuqur edhe bashkëvendësit e tij në Komisionin Qeveritar për Verifikimin e Kategorive të Luftës.

Ndërsa reagimi i tij i ashpër pas publikimit të emrave të veteranëve e invalidëve dhe pjesëmarrësve në Luftën e UCK-së, sipas një burimi brenda komisionit për verifikimin e aplikacioneve të UCK-së, ka ardhur pikërisht për shkak së nuk i është njohur statusi i veteranit ashtu siç ka kërkuar./Infokusi.com/