Luta zotohet: Viti i fundit ku lumenjtë e Gjilanit dalin nga shtrati?

Gjilan – Besojmë se ky është viti i fundit kur lumenjtë e Gjilanit dalin nga shtrati, ngase i kemi siguruar investimet milionëshe nga qeveria e Austrisë për rregullimin e shtratit të “Stanishorkës”, përfundimin e “Mirushës” dhe ndërtimin e 54 kilometrave rrjet të kanalizimit ka thënë kreu i Gjilanit Lutfi Haziri.

Haziri ka thënë se Ekipi i emergjencave i Komunës së Gjilanit e ka menaxhuar në mënyrën më të mirë situatën e vërshimeve dhe tashmë gjendja është kthyer në normalitet. “Besojmë se ky është viti i fundit kur lumenjtë e Gjilanit dalin nga shtrati, ngase i kemi siguruar investimet milionëshe nga qeveria e Austrisë për rregullimin e shtratit të “Stanishorkës”, përfundimin e “Mirushës” dhe ndërtimin e 54 kilometrave rrjet të kanalizimit. Vazhdojmë me punë t’hajrit” ka thënë Haziri./rajonipress/