Luta, Saranda,Visari e Fatmiri priten jashtëzakonisht mirë në Cernicë

Gjilan – Përkrahje e madhe po vazhdon për kandidatin e LDK-së për kryetar të Gjilanit, Lutfi Haziri. Banorët e fshatit Cërrnicë, i kanë dhënë vulën e fitores Lutfi Hazirit.

Kryetari Haziri, i shoqëruar nga Saranda Bllaca anëtare e Këshillit të Përgjithshëm të LDK-së dhe kandidate për këshilltare komunale, si dhe Visar Zeqiri Smakaj dhe Fatmir Hoxha kandidatë për këshilltarë komunal, u shfaqen tejet të entuziazmuar me përkrahjen e madhe nga banorët e fshatit Cerrnicë, duke i garantuar banorët e Cernicës investime të mëdha për t’ua bërë të mundshme jetesën e dinjitetshme.

“Hiç pa na thënë ju, do t’ua kryejmë katër detyrat kryesore që është marre sot me fol për to si: rrugën, kanalizimin, ujin dhe ndriçimin publik”.

“Bujqësia është promotor i zhvillimit të familjes dhe ne do t’ju subvencionojmë në të gjitha nivelet. Do t’i keni falas: grurin, naftën dhe korrjen. Do t’ju subvencionojmë edhe në pemtari, pasi që ky rajon njihet për zhvillimin jashtëzakonisht të mirët të saj si dhe në blegtori dhe në bletari. Në vitin e parë do të ndajmë 1 milion euro për bujqësinë. Në të dytin afro 2 milionë dhe në vitet tjera edhe më shumë. Ju duhet ta shfrytëzoni tokën e mirë që ua ka dhënë Zoti”, u ka thënë banorëve të kësaj ane kryetari i ardhshëm i Gjilanit”.

Ndërkohë, edhe kandidatët për këshilltarë komunal të fshatit Cernicë thanë se Cernica është lënë anash nga ky pushtet.

Saranda Bllaca kandidate për këshilltare komunale tha se Cërnica në mandatet e kaluara ka pasur këshilltarë komunal në Asamble, këshilltarë që ishin pjesë e pozitës. Pjesë e pushtetit, madje pati edhe drejtori komunale(Drejtorinë e Shërbimeve Publike), dhe sot, përkundër kësaj, Cërnica ende nuk i ka të rregulluara të gjitha rrugët. Edhe ato që janë rregullua, nuk janë përfundua dhe janë rregullua duke bërë seleksionim mbi baza partiake. Cërnica sot nuk ka ujë. Cërnica sot nuk e ka të rregulluar kanalizimin. Cërnicës sot i mungojnë gjërat elementare për jetë. Ky vend, që gjithmonë pati njerëz të shkolluar, njerëz intelektual, njerëz me ndikim në politikat e kohës, ky vend që edhe Presidenti historik, Dr.Ibrahim Rugova e zgjodhi për ta bërë hapjen e korrje shirjeve, sot është harruar plotësisht nga pushteti. Ka ardhur momenti i fundit që t’ju shpëtojmë nga kjo keq qeverisje”.

Visar Zeqiri, kandidat për këshilltar komunal tha se Cerrnica bashkë me fshatrat për rreth e ka ndier në kurrizin e saj keq qeverisje e PDK-së dhe të Qemajl Mustafës. Edhe përkundër krekosjes së tyre se ata kanë qeverisur suksesshëm e kanë investuar miliona euro, ju jeni dëshmitarë se këto nuk kanë ndodhur. Shikojeni Cernicën sot dhe mendoni sa është investuar për 6 vite?! Ende nuk kemi ujë, nuk e kemi të rregulluar kanalizimin, nuk i kemi gjërat elementare për jetë. Unë jam i sigurt se pas datës 3 nëntor, me fitoren e LDK-së dhe kryetarit Lutfi Haziri, Cërnica do frymoj më lirshëm duke parë realizimin e të gjitha këtyre premtimeve qe ne po i japim”.

Edhe kandidati tjetër që vije nga Cërnica, Fatmir Hoxha u shpreh shume i kënaqur nga përkrahja e madhe e qytetarëve të Cërnicës thuhet në njoftimin e degës së LDK-së në Gjilan./rajonipress/