Luta paralajmëron aktivitete për muajin e krenarisë e dhimbjes

Gjilan – Gjilani po e përmbyllë muajin e solidaritetit dhe humanizmit, që u karakterizua me shumë aktivitete për tolerancën ndërfetare e ndëretnike. Tash po hyjmë në muajin e krenarisë dhe dhimbjes, ku do të ketë shumë aktivitete deri më 22 dhjetor, në ditën e përmbylljes së shënimit të 70-vjetorit të masakrës më të madhe në Luftën e Dytë Botërore ka thënë Lutfi Haziri.

Haziri ka thënë se Presidentja e Republikës nderoi qytetin e Gjilanit me “Çmimin e Lirisë”, sikurse edhe disa personalitete në mesin e të cilëve edhe heroin Zija Shemsiu.

Me këtë rast, shpreh falënderim për mërgimtarët tanë në Bern të Zvicrës, apo shokët e Zijahut, për iniciativën për mbledhjen e të hollave që ta renovojnë shtëpinë e këtij kolosi të kombit, duke e bërë “Shtëpi Muze” ka shkruar Haziri./rajonipress/