Luta dhuron gjak

Gjilan – Derisa të tjerët po e zhvillojnë veprimtarinë politike duke dhënë pako ushqimore në këtë fushatë, Lutfi Haziri, ka dhuruar gjak në qendrën për “Transfuzionin e Gjakut”, në kuadër të javës së rinisë e gruas.

Haziri u ka bërë thirrje qytetarëve që të solidarizohen, të japin gjak, duke thënë se nuk ka vlerë më të madhe se të shpëtohet një jetë njeriu.

“Është java e familjes, e rinisë dhe e gruas në kuadër të fushatës zgjedhore. Dhe natyrisht, duke dashur të ndihmojnë familjen jo vetëm me programe që e forcon ekonomikisht, roli i femrës, roli i rinisë u bashkëngjitet grupit vullnetarë për të dhuruar gjak dhe për të shpëtuar jetë, në vend se të bëjmë pako ushqimore çfarë po ndodhë fatkeqësisht sot. Ne po mundohemi që të japim një kontribut për të shpëtuar një nënë, një jetë njeriu që ka nevojë për gjak” ka thënë Haziri.

Haziri i ka ftuar qytetarët që të solidarizohen, të ndihmojnë dhe të ofrojnë gjakun e tyre sepse nuk ka vlerë më të madhe se të ndihmohet një familje, e në veçanti të shpëtohet një jetë njeriu. “Të shpëtohet një jetë njeriu do të thotë të shpëtohet bota”, ka qenë mesazhi i zotëri Lutfi Hazirit./rajonipress/