Lushtaku para drejtësisë për tenderin gjashtëmilionësh

“Aktakuzë të bazuar” e ka cilësuar gjyqtari i EULEX-it, Vladimir Mikula, aktakuzën kundër Sami Lushtakut dhe të tjerëve për një tender mbi 6 milionë euro në KEK.

Kryetari i trupit gjykues ka hedhur poshtë kundërshtimet dhe kërkesën e mbrojtjes për të hedhur poshtë aktakuzën me arsyetimin se janë të pabazuara. Aktvendimi që ka mbi 150 faqe u është dërguar të premten të akuzuarve, të cilët pritet të dalin para drejtësisë për këtë aferë korrupsioni. Aktvendimi është marrë pas seancës së parë fillestare në Gjykatën Themelore në Prishtinë, shkruan sot “Koha Ditore”.

Gjyqtari ka thënë në aktvendim se konfirmon aktakuzën, ani se me Kodin e ri të procedurës penale nuk përmendet konfirmimi si akt formal për nisjen e një gjykimi.

http://koha.net/?id=3&l=62135