Lumi “Stanishorka” del nga shtrati, Lutfi Haziri thotë se gjendja po normalizohet

Gjilan – Pas reshjeve të pandërprera të shiut, ekipi i emergjencave i Komunës së Gjilanit ka dalë menjëherë në terren për t’u dalë në ndihmë qytetarëve dhe për momentin është duke u intervenuar në Kuvcë dhe afër FSK-së, pasi lumi “Stanishorka” ka dalë nga shtrati, sikurse dhe në Livoç të Ulët ka thënë Lutfi Haziri.

Haziri ka thënë se gjendja është duke u normalizuar në këto tre lokacione, ndërkohë fatmirësisht nuk ka probleme tjera në fshatra e as në qytet. Lus qytetarët që për çdo problem eventual të kontaktojnë numrat e emergjencës: 112, 193 dhe 044146738. Ekipi ynë është në dispozicionin tuaj gjatë tërë natës ka shkruar Haziri./rajonipress/