Lumezi në dorë të “Babës”

Kandidati i vetëm për kryeprokuror të Shtetit, Aleksandër Lumezi, do të intervistohet të premten (sot), për të provuar nëse është i duhuri për të marrë drejtimin e Prokurorisë së Shtetit.

Por nuk është asgjë vendimtare, meqë para dekretimit nga presidentja e Kosovës, Atifete Jahjaga, ekziston mundësia e ndërhyrjes së dytë nga Gjykata Kushtetuese e Kosovës.

Duke marrë parasysh kërkesën që e ka dhënë Kushtetuesja për të hedhur poshtë vendimin për zgjedhjen e Lumezit në raundin e parë, grupe të shumta të interesit në këtë proces, janë evident tash sa muaj, me deklarata, akuza dhe kritika të hapura në favor dhe në kundërshtim të kandidatëve që kanë qenë pjesë e këtij procesi./zeri/