Lul Raka iu përgjigjet atyre që thonë “Virusi është rrenë, po na vendosin çipa”

Mikrobiologu Lul Raka, ka vazhduar thirrjet për parandalim të pandemisë COVID-19 dhe ruajtjes nga virusi vdekjeprurës.

Ai ka folur për rritjen e rasteve të të infektuarve me COVID-19.Tha se secili prej nesh duhet të vetëdijesohet para se virusi të depërtojë në shtëpitë tona.

Raka foli edhe për personat që nuk besojnë në ekzistencën e COVID-19 dhe për ata që thonë se “ky virus është rrenë dhe veç po bëhet për të na vendosur disa çipa që të na kontrollojnë lëvizjet gjatë gjithë kohës”.

Për këta persona, Lul Raka e ka një përgjigje interesante. Thotë se “çka i bën ata kaq të rëndësishëm sa t’iu vendosin çipa”.

“Ata që thonë se iu vendosin çipa për t’i kontrolluar dhe se coronavirusi nuk ekziston. Po kush janë ata që me iu vendos çipa. Kujt i duhet me ditë se çka bënjë ata që me i kontrollu. Absolutisht kurrkush. E askujt s’i intereson e as nuk ka interes që me e ditë çka bëjnë ata persona. Kjo çështja e çipave e teorive tjera konspirative është për keqardhje. Virusi ekziston dhe madje është shumë i rrezikshëm. Duhet secili prej nesh të ketë kujdes”, ka thënë ndër të tjera Raka në emisionin “Shëndeti” në TV Dukagjini.