Lugina në festë, shënon Kurban Bajramin

Presheve – Xhamitë e vendbanimeve të komunave Bujanoc, Preshevë, Medvegjë sot ishin të mbushura me besimtarë myslimanë që falën namazin e Kurban Bajramit.

Dita e parë e Kurban Bajramit festohet ditën e dhjetë të Dhul Hixhes, një ditë pasi haxhinjtë qëndruan në kodrën Arafat në Mekë.

Besimtarët e Luginës, pas faljes së namazit të Kurban Bajramit i ka uruar edhe imami i xhamisë së vetme të shqiptarëve në qytetin e Bujanocit, Ulvi Fejzullahu. Ai me këtë rast përveç urimit ka ftuar në paqe dhe pajtim mes besimtarëve kudo që gjinden ata, raporton Titulli.

Sipas traditës, festa e Kurban Bajramit vijoi më pas në shtëpitë e besimtarëve të Luginës me drekën tradicionale ku ftohen më të afërmit, si dhe therjen e kurbaneve.