Lugina e Preshevës pret verbërisht nga bisedimet Kosovë-Serbi

Formimi i ekipit të ri negociues të Kosovës për bisedime me Serbinë, është përshëndetur nga përfaqësuesit politik, institucional dhe nga shoqëria civile në Luginë të Preshevës.

Shqiptarët në Preshevë, Bujanoc e Medvegjë, kërkojnë që në cilën do rrethanë interesat e kësaj pjesë të paraqiten në tavolinën e bisedimeve.

Shaip Kamberi, kryetar i PVD-së, njëherësh kryetar i komunës së Buajnocit, formimin e ekipit të ri negociues nga parlamenti i Kosovës e ka quajtur refleksion të unitetit politik.

Kamberi ka ftuar edhe partitë opozitare të Kosovës që të jenë pjesë e këtij unitetit të rëndësishëm për shtet ndërtimin e Kosovës.

Ai theksoi se në dialogun Kosovë-Serbi, duhet që të përfshihet edhe Lugina e Preshevës.

Sipas të parit të Partisë Demokratike Shqiptare, Ragmi Mustafa, shqiptarët në Luginë kanë besim të ekipi negociator i Kosovës dhe ai thotë se Lugina e Preshevës me marrëveshjen përfundimtare do të jetë pjesë e republikës së Kosovës.

Enkel Rexhepu nga Këshilli për të Drejtat e Njeriut, vlerëson se Lugina është pjesë e kontestit Kosovë-Serbi dhe domosdo duhet që të jetë pjesë e zgjidhjes në negociatat mes dy shteteve.

Në Preshevë, Bujanoc e Medvegjë jetojnë shqiptarë autokton, të cilët aktualishtë po përjetojnë një diskrimimin shtetërorë nga Serbia.

Zgjidhja e çështjes së shqiptarëve të kësaj zone, nga autoritetet e këtushme, shihet në kuadër të marrëveshjes përfundimtare mes Kosovës dhe Serbisë për të cilën ende shihet si e verbër./Titulli.com/