Lugina e Preshevës mes dilemës për pjesëmarrje në zgjedhjet presidenciale të Serbisë

Shqiptarët në Luginë të Preshevës në zgjedhjet presidenciale nuk dalin që nga viti 1997, ndërsa këtë vit do të jetë më ndryshe për një pjesë të politikës, shkruan Titulli.com

“Është pak e mundur që PVD të përkrah ndonjë kandidatë mirëpo edhe akoma nuk janë shpallur zgjedhjet dhe se kjo varet nga ajo se a do të mbahen zgjedhjet parlamentare në të njëjtën kohë”, ka thënë Shaip Kamberi nga Partia për Veprim Demokratik.

Ish kryetari i komunës së Preshevës, Ragmi Mustafa thotë se partia e tij do të bojkotojë zgjedhjet presidenciale.

“Ne në PDSH vlerësojmë se nuk janë përmbushur kushtet që të votojmë ndonjërin kandidatë për kryetar të Serbisë sepse nuk jemi të kënaqur me politikën e qeverisë ndaj kërkesave të shqiptarëve në këtë rajon”, është shprehur Mustafa.

Për herë të fundit shqiptarët e Luginës së Preshevës kanë marrë pjesë në zgjedhjet presidenciale më vitin 1997 kur kandidatë ishte, Sulejman Uglanin nga Sanxhaku./Titulli.com/