Luan Qerkinaj, modeli që synon të kalojë kufijtë

Kohëve të fundit kosovarët që jetojnë në diasporë kanë qenë ambasadorët më të mirë të Kosovës. Shumë të rinj që tashmë kanë lindur dhe jetojnë në diasporë janë bërë një pasqyrë e mirë për Kosovën. Në mesin e shumë kosovarëve të suksesshëm që kanë thyer kufijtë e imagjinatës, është 17-vjeçari nga Peja, Luan Qerkinaj, i cili është një model që jeton dhe vepron në Goteborg të Suedisë.

Luani është nxënës i gjimnazit dhe vite më parë ka nisur të merret me modelizëm një hobi si fillim i cili tashmë i është shndërruar edhe në profesion. Aktiviteti i tij prej modeli ka marrë hov pasi ai mori pjesë në reklamimin e firmave më të njohura, si “Jack&Jones”, “Design Only”, “Inter Sport”, “Cassles”, “Esprit” e të tjerë.

Synimet e tij janë që të vijë në Kosovë të japë edhe kontributin e tij pasi Suedia sipas tij, ia hapi dyert këtij djali. Sfilata dhe kërkesat për të marrë pjesë në sfilata janë të njëpasnjëshme për Luanin, por ëndërr e tij mbetet depërtimi përtej kufijve të Suedisë, për të cilët thotë se do t’i arrijë.

Modeli i ri natyrisht që pret ftesa edhe nga Kosova pas sukseseve që pati në sfilatat evropiane që u mbajtën në qytetin e tij të lindjes, Goteborg.