Luan Krasniqi: Mos e humbisni meçin, siguroni biletat

Boksieri kosovar, Luan Krasniqi, edhe një herë ka rikujtuar se kur do të mbahet meçi tij. Ai në këtë meç kundërshtar do ta ketë boksierin e njohur Danny Williams.

Madje Krasniqi, ka kërkuar nga të gjithë tifozët që sa më parë t’i sigurojnë biletat për këtë meç, shkruan “Zëri”.

Këtë kërkesë Krasniqi e ka bërë pasi edhe siç ka shkruar në profilin e tij zyrtar në rrjetin social “Facebook”, do të mbahet për qëllime humanitare.

Postimi i plotë i Luan Krasniqit:

Miq të mi, kundërshtari im, për meçin bamirës të 7 nëntorit, që organizohet në Ludeigsburg, tashmë dihet. Ai është Danny Williams, boksieri i njohur, i cili është i respektuar dhe me rezultate impozante. Do të jetë ky një rast interesant, të cilin nuk duhet ta humbisni, prandaj, siguroni biletat për këtë eveniment dhe kontribuoni edhe ju për qëllime humanitare. Në këtë funksion ishte edhe meçi im me sportistin dhe humanistin e madh Uwe Hück, që mbeti në kujtesë të sportëdashësve.