Luan Krasniqi fton që shteti të investojë në sport

Prishtinë – Boksieri më i suksesshëm shqiptar, Luan Krasniqi u bën thirrje institucioneve shtetërore të Kosovës që ta mbështesin fuqishëm boksin, nëse dëshirojnë që ta ngrenë lart në arenën ndërkombëtare flamurin e Kosovës.

Në një intervistë të gjerë për Kohën Ditore, Krasniqi, 41-vjeçar, ka premtuar se do të ndihmojë boksin kosovar, ndërsa pranimin e Federatës së Boksit të Kosovës në AIBA e ka cilësuar shumë të rëndësishëm.

FBOXK në Federatën Ndërkombëtare të Boksit Amator është pranuar në verë të këtij viti, si anëtare e përkohshme.

Boksierët kosovarë tani mund të marrin pjesë në të gjitha garat ndërkombëtare, përfshirë kampionatet botërore e evropiane. Ai rrëfehet edhe për boksierin tjetër të suksesshëm kosovar në arenën profesioniste Haxhi Robin Krasniqi, për vete dhe planet e tij në të ardhem e afërt.(koha)

Shpërndaje.
© RAJONIPRESS