Lorik Cana flet për refugjatët, ka edhe një kërkesë

Pesë vjet pas largimit nga Franca, kapiteni i kombëtares shqiptare, Lorik Cana rikthehet në Ligue 1.

Mbrojtësi që në të kaluarën ka qenë pjesë e Marsille dhe PSG në Francë, tani do të luaj në fanellën e Nantes.

Në prezantimin te skuadra e re, mbrojtësi shqiptar, është pyetur rreth situatës së refugjatëve sirianë, që ditëve të fundit në numër të madh po vijnë në Evropë.
Cana para se të fliste për këtë çështje, sqaroi se nuk mund të kuptosh situatën e refugjatit, pa e provuar atë.

“Të kuptosh në të vërtetë situatën e refugjatit pa e përjetuar është absolutisht e pamundur. Askush nuk mund të gjejë një zgjidhje sidomos jo një vend i vetëm si Franca. Kjo duhet të jetë një zgjidhje globale për një kontinent si Evropa, sepse vetëm një vend nuk mund ta bartë gjithë peshën e kësaj. Është thelbësore për të ndihmuar njerëzit, sepse duhet kuptuar vështirësitë e tyre vetëm atëherë kur jetojmë si ta”, deklaroi Lorik Cana shkruan ‘rmcsport.bfmtv.com’./Indeksonline/