Lopa e Velko Stojanoviqit më e mira në rajon

Gjilan – Kampion në garën për lopën më të mirë nga të gjitha racat është shpallur Velko Stojanoviq nga Gjilani. Viçi i fermerit Ekrem Krasniqi ka fituar titullin e viçit më të mirë nga raca simental.

Velko Stojanoviq ka fituar edhe një çmim tjetër për lopën më të mirë në racën Red Hollshtajn.

Në garën për lopën më të mirë të organizuar në Panairin e gjedhit që u mbajt në Llabjanë të Artanës sipas Medin Zeqirit zyrtarë për bujqësi në Gjilan kanë marrë pjesë 11 komunat e rajonit të lindjes derisa ata janë prezantuar me 60 krerë gjedhe.

Zeqiri tha se gara për lopën më të mirë ka qenë e madhe dhe serioze. Komisioni i përbërë nga profesor të Fakultetit të Bujqësisë megjithatë pas shumë vlerësimeve ka arritur në përfundimin se lopa e Velko Stojanoviqit është bindshëm më e mira edhe atë në të dy kategoritë tha Zeqiri./rajonipress/