Lojërat e PDK’së, thonë se Veseli nuk u nominua për kryetar

Shefi i Grupit Parlamentar të Partisë Demokratike të Kosovës, Adem Grabovci në një prononcim për “Zeri.info” ka folur rreth mbledhjes së mbrëmshme që zhvilloi kjo parti.

Ai, ka hedhur poshtë zërat se kryeparlamentari Kadri Veseli të jetë përfolur si ushtrues detyre në PDK, pas kandidaturës të Hashim Thaçit në krye të Presidencës.

“Jemi duke analizuar situatën dhe dje kemi pas konsulta. Është e vërtetë se kemi pas mbledhje por absolutisht nuk është e vërtetë që janë diskutuar ato gjëra. Duhet të bëhen analizë por është çdo gjë normal nuk ka diçka të veçantë”, ka thënë ai.

Ndërkohë, mediat kanë raportuar dje se PDK-ja ka marrë disa vendimesh për situatën politike dhe zhvillimet në ditët dhe muajt në vazhdim. Poashtu është përfolur edhe për ministrin e Jashtëm që do ta zëvendësoj Thaçin.