Lojë e keqe
RajoniPress
23:22, 3 Janar, 2019
Poezi nga Xhemë Karadaku
Do burra në Shesh,
Nga inati po plasin,
Kuvendojnë shpesh
E zemërthyer flasin:
-Erdhi kohë e keqe,
Të ikë maja e kresë,
Loja plot leqe-leqe,
Me ujkun e pabesë!
-Kur e lyp një gisht
Ai ndryshon saora,
I pabesi luan bisht,
Syrin e ka te dora!.
-Kur e lyp një dorë,
Ai te krahu ka syrin
Se ha e pi çdo orë,
Me dreqin e t’birin!
-Pabesinë ia dinim,
Gjysh e katragjysh,
Ne vetë n’torishtë,
Po e sjellim sërish?
-Keq e lozëm lojën
E mërzitëm Botën,
Tash neve shkopin
E ujkut – Karrotën!.
