Lojë e dobët e Gjilanit

Gjilan – Futbollistët e Gjilanit edhe pas tri xhirove të stinorit pranveror nuk arrijnë fitore, në xhiron e 19-të në ballafaqim me Lirinë e Prizrenit ndan pikët me rezultat të bardhë 0-0.

Futbollistët e Gjilanit zhvilluan ndeshjen më të dobët që nga fillimi i Superligës së Kosovës në futboll në këtë edicion të garave, gjatë 90 minutave të ndeshjes asnjëherë nuk kanë atakuar portën e portierit mysafir Armend Blakqorit.

Një gjysmë rasti futbollistët “bardh e kuq” e krijuan në minutën e 4, kur Haxhimusa nga 7 metra gjuan drejt në duart e portierit Blakqori.

Në minutën e 18, Gëzim Rusi ndëshkohet me karton të kuq pasi kishte grushtuar futbollistin Albin Memaj i cili detyrohet ta braktisë ndeshjen.
Në këtë tollovi ndëshkohet edhe rezervisti i Lirisë me karton të kuq Fisnik Ramadani.

Mysafirët me mjaft sukses e shfrytëzuan mungesën e futbollistit Rusi duke u përqendruan në gjysmë fushë, dhe me kundërsulme kërkonin që të rrezikonin portën e Gjilanasve.

Futbollistët mysafirë kanë mundur shumë lehtë të kalojnë në epërsi në minutën e 47, Fillim Guraziu gjuan nga 30 metra por Donat Kaciu mbron, ndërsa në minutën e 78 futbollisti më i mirë i ndeshjes së sotme Liridon Fetahaj gjuan nga 20 metra Kaciu me mund të madh dëbon topin jashtë vijës fundore të tij.

Trajneri i Gjilanit Arbnor Morina i zhgënjyer deklaroi.
“Ne nuk mundemi t`i parashikojmë gjërat ndodhi ajo çka ndodhi u penalizuam, u angazhuam por nganjëherë gjërat nuk ecin ashtu siç duhet megjithatë një pikë është e mirëseardhur në këto momente”.

Homologu i Morinës Bekim Bakaj i Lirisë deklaroi.
“Për ne është një pikë e madhe u angazhuam dhe e arritëm qëllimin tonë të mos pësojmë humbje”./sylejman ismajli/rajonipress/

Stadiumi i qytetit në Gjilan

Shikues- 1,000 mijë
Arbitra Tahiei, Hyseni , Latifi, Baliu
Kartona të verdhe- Haxhimusa,(Gj), Guraziu, B,Memaj (L)Kartona të kuqë- Rusi, (Gj), Ramadani (L)

Gjilan – Kaciu, Kastrati, Bekteshi, Thaqi, Blakqori, Bilalli (Eminhaziri), Shabani, Haxhimusa, Ahmeti(Jashari)
Mustafa , Rusi(A,Thaqi)

Liria – Blakqori, Islami, Dina, Rexhaj(Gashi), Gjeraj, E,Gashi, Fetahaj, Mustafa, Osmani,B.Memaj(Kryeziu)
A. Memaj(Guraziu)