Logoja e Qeverisë “Kosovë ne të dalim Zot” për 16 vjetorin e pavarësisë, Çitaku reagon: Zot Kosovës i ka dalë UÇK’ja
RajoniPress
06:16, 12 Shkurt, 2024
Nënkryetarja e Partisë Demokratike të Kosovës (PDK), Vlora Çitaku, ka reaguar ndaj logos qeveritare për 16 vjetorin e pavarësisë së Kosovës që shënohet më 17 shkurt.
“”Kosovë ne të dalim Zot””, është logo zyrtare.
Por Çitaku ka publikuar një fotografi të luftës së UÇK-së, duke thënë se atëherë ka qenë koha “për t’i dalë zot Kosovës”.
“Këta, me shumë luftëtar e luftëtare që u shkuan mbas, i dolën zot Kosovës. Ne të tjerët, falë luftës dhe sakrificës së tyre, e qeverisim Kosovën. Herë mirë, e herë jo. Ama zot Kosovës, kur ka qenë koha, i ka dalë UÇK”, ka thënë ajo. /Gazeta Express
