Llapi mban hapin me kryesuesit në tabelë

Futbollistët e Llapit në stadiumin “Zahir Pajaziti” në derbin e javës kanë shënuar fitore të vlefshme në ballafaqim me Dritën duke mbajtur hapin me kryesuesin Feronikelin e Prishtinën.

Futbollisti më i mirë i ndeshjes Festim Alidema në minutën e 25 provon me kokë por portieri Mario Kirev mbron.

Në minutën e 51 Bujar Idrizi nga gjuajtja e lirë nga 22 metra godet horizontalen e Dritës.

Alidema edhe njëherë po dëshmon se është një talent i futbollit në minutën e 72 së pari bën shëtitje me mbrojtjen e Dritës dhe nga 18 metra me gjuajtje të saktë gjen rrjetën e portierit Kiriev.

Futbollistët e Dritës rastin më të mirë të ndeshjes e kishin në minutën e 82 Endrit Krasniqi nga goditja e lirë nga e majta gjuan nga 22 metra por “gardiani” i Llapit Haxho intervenon duke shpëtuar gol të sigurt.

Trajneri i Dritës Ardian Nuhiu pas ndeshjes ka deklaruar

“Sot e humbëm ndeshjen më të mirë që kemi zhvilluar na mungoi fati. Llapi shënoj nga një gabim i joni. Ne po përgatitemi për kampionatin e ardhshëm.

Në javën e 30 Skuadra e Dritës zhvillon derbin e javës me Prishtinën si nikoqire./rajonipress/