Livoqi në gjendje kritike, qeverisja e luksit asnjë përgjigje për këtë katrahurë

Gjilan – Asnjë zyrtar komunal se ka marrë as mundin, e as guximin me dal në teren dhe me bisedue me banorët e fshatit Livoq. Ky fshat tashmë është i vdekur klinikisht sepse ka rrugën e dëmtuar dhe asnjë qasje me botën normale.

Banorët e fshatit Livoq i Poshtëm edhe të hënën kanë protestuar si rezultat i pakënaqësive lidhur me punimet e rrugës kryesore të cilat kanë filluar tash e më shumë se një muaj dhe ende nuk dihet përfundimi i punimeve.

Është e dhimbshme dhe e pafalshme që asnjë zyrtar komunal e as kryetari i komunës nuk e kanë vizituar këtë fshat për të dëgjuar hallet e banorëve.

Idriz Bekteshi banor thotë se ka shumë arsye pse janë të pakënaqur.
E para bizneset janë të përgjysmuara sepse ka pluhur të madh, që ka shumë pasoja për shëndet, çdo njeri që kalon me Makina sigurt që dëmtohen e shumë e shumë arsye tjera. “Ne ende s`kemi informata se çka do të punohet edhe pse kemi bërë kërkesa për fshat që tash unë mendoj që asht lagje e qytetit dhe të mos ketë një infrastrukturë të mirë asht absurde, po shpresojmë që sa ma shpejt të përfundojnë gjitha që na takojnë si tatim pagues, si qytetar të ndershëm” ka shkruar Bekteshi.

Ka pasur shumë banor të këtij që kanë kërkuar bllokimin komplet të rrugës./rajonipress/