Livoqi i Epërm mbi 10 ditë ka probleme me energji elektrike

Gjilan – Banorët e fshatit Livoq i Epërm janë ankuar se ka mbi 10 ditë që kanë probleme me energji elektrike. Sipas tyre një fazë ka dhe pastaj faza tjetër nuk bënë. Ende jemi në terr edhe pse e kemi njoftuar KEDS-in thonë ata.

Banorët e fshatit Livoq i Epërm po përballen me mungesë ekstreme të energjisë elektrike. Ka mbi 10 ditë që ata kanë telashe me energjinë elektrike, meqë sipas tyre njëra fazë bënë dhe tjetra pastaj prishet.

“Ne jemi në hall dhe në terr gati 10 ditë edhe pse e kemi njoftuar KEDS-in për këtë prishje. Deri tani askush nuk ka dalur në teren për ta sanuar këtë prishje” shprehet banori Sami Musa i cili edhe ka bërë të ditur për këtë prishje.

Ata thonë se ky çrregullim po ju shkakton telashe në këtë të ftohët dhe lusin KEDS-in që ta riparojë sa më shpejt që është e mundur./rajonipress/