Liverpooli fiton me përmbysje në Burnley, shënon Xherdan Shaqiri

Liverpooli ka arritur fitore të madhe në udhëtim te Burnley edhe pse ishte në disvantazh. Sfida përfundoi me rezultat 3-1.

Xherdan Shaqiri startoi në këtë takim dhe luajti për 90 minuta, e shqiptari sensacional pati paraqitje të mirë, duke kontribuar në dominimin qysh në fillim të takimit.

Përkundër rasteve të shumta, mysafirët nuk arritën të gjejnë golin.

Me të filluar pjesa e dytë u realizuan edhe golat.

Cork realizoi për vendasit pas një harkimi në zonë, duke shfrytëzuar një pakujdesi për 1-0 dhe gëzimin e vendasve.

Foto: Alex Livesey/Getty Images/Guliver

Liverpooli insistoi dhe shpejt gjeti golin kur James Milner me një goditje të ulët, por precize shokoi Joe Hartin (62′).

Në lojë u inkuadrua Roberto Firmino i cili shënoi pas tre minutash për 2-1 dhe epërsinë e The Reds pas asistimit të Van Dijk brenda zonës (69′).

Deri në fund Liverpooli pati edhe një mori rastesh, dhe gjeti golin Xherdan Shaqiri i cili shënoi në minutën e fundit për 3-1.

Me këtë fitore Liveprooli ka 39 pikë, dy më pak se Manchester City që mban pozitën e parë dhe gjashtë më shumë se Tottenhami që doli në pozitën e tretë pasi Chelsea pësoi humbje. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).