“Livadhet e Arapit” nga një burim i kundërmimit në lagje të urbanizuar

Gjilan – Refik Hasani këshilltar komunal thotë për rajonipress se hapësira ,,Livadhet e Mullirit të Arapit’’, që ishte burim i kundërmimit e mushkonjave e që kërcënonte me epidemi të përmasave të mëdha tani është shndërruar në një lagje të urbanizuar.

Refik Hasani këshilltar komunal thotë për rajonipress se që nga viti 1999 e deri në vitin 2009 , “Livadhet e Arapit” ishin një moçal i ujërave të zeza , ku Lumi Mirusha kishte dal nga shtrati dhe kishte përfshi e mbuluar me mbeturina së bashku me të gjitha kanalizimet e qytetit këtë hapësirë ku kundërmonte dhe ta zinte frymën jo vetëm në Lagjen Zabel, por kundërmonte në tërë qytetin e më gjerë .

“Mushkonjat ishin bërë të pa durueshme .Të gjithë ishim të kërcënuar nga ndonjë epidemi të përmasave të mëdha .E quajtëm dhe pati emërtime nga më të ndryshme , si ,, Dinozauri i Gjilanit”, Liqeni i ujërave të zeza , Këneta , Deponia e Ujërave të felliqta , etj. Por në vitin 2009 . filloi ky projekt më kapital dhe më strategjik i Gjilanit rregullimi i shtratit të Lumit “Mirusha” dhe u eliminuan ujërat e zeza , kundërmimi , mushkonjat dhe kërcënimi që të mbytet dikush në këtë moçal dhe rreziku nga ndonjë epidemi të përmasave të më” kujton Hasani.

Hasni thotë se për dy vite është tharë Moçali , dhe kjo hapësirë u kthye nga një gjendje e mjerueshme në një gjendje krejt normale . “Ju shtua vlera kësaj hapësire . Në disa pjesë filluan të lëshojnë shtat objekte banimi e kështu me radhë dhe nuk mbeti tjetër pasi kjo hapësirë që është mbi 100 hektar në mesë të Lagjes Zabel dhe Qendrës të qytetit e rrugës së Malishevës i erdhi radha që të jetë edhe si një Lagje e Urbanizuar “.

Hasani tha se plani rregullues urban në vendin e quajtur ,,Livadhet e mullirit të Arapit’’, ka shtrirje në pjesën lindore të qytetit të Gjilanit ku është miratuar nga Kuvendi Komunal i Gjilanit në seancën e datës 17 korrik 2013.

Hasani thotë se planit rregullues të Livadheve të Arapit i janë gëzuar të gjithë banorët pasiqë kjo hapësirë është tharë dhe këtyre ngastrave e parcelave jo vetëm që nuk helmohen nga gazrat toksike , por janë kthyer në toka pune dhe në ngastra për ndërtim dhe projektim dhe ju ka rritur e shtuar vlera shumëfishë.

Hasani tha se nga Moçalishtja e Livadheve të mullirit të Arapit tani në këtë hapësirë është paraparë edhe një park mbi shtat hektar ku do të jetë një shëtitore e madhe e Gjilanit.“Ka filluar me të madhe të ngritët shtat një Lagje e Urbanizuar që do të ndërtohet dhe tani ka ndryshuar dhe marrë një pamje që zbukuron Lagjen përskaj fqinje Zabel dhe qytetin ton” tha Hasani./rajonipress/