LISBA e Gjilanit viziton Bashkësinë Islame

Gjilan – Sot dega e Lëvizjes Islame Bashkohu (LISBA) dega në Gjilan ishte për vizitë në Kryesine e Bashkësinë Islame në Gjilan. Kjo ishte vizita e parë që kjo Lëvizje i benë ndonjë institucioni publik. Për shkak të respektit u zgjedh që e para të jetë Bashkësia Islame e Gjilanit.

Kryesinë e LISBA-së e priti kryetari i Bashkësisë Islame Sylejman Osmani.

Natyra dhe karakteri i kësaj vizitë ishte informimi i BI rreth krijimit dhe aktiviteteve te kësaj lëvizje që nga themelimi i saj e deri më sot.

Një elaborim të hollësishëm të arsyes, qëllimeve të krijimit, programit të LISBA-së si dhe peripecitë që ka hasur kjo lëvizje që nga krijimi i saj e gjerë te gjetja e lokacionit dhe funksionalizimi i tij e beri kryetari i kësaj lëvizje për Gjilan zoti Xhelal Bislimi.

Vizita u përshkua nga një mënyrë e komunikimit të hapur dhe të sinqertë nga të dyja palët.

Nga ana e tij, Sylejman Osmani duke falënderuar Kryesinë e Lëvizjes për këtë vizitë të parë të saj u ndie i privilegjuar që institucioni që ai drejton ishte pikënisje e parë e kësaj Lëvizje edhe për vizita të tjera të radhës.

Në vazhdim ai shprehu interesimin e tij rreth kësaj lëvizjeje duke u interesuar për strukturën udhëheqëse të saj si dhe anëtarësinë e gjerë dhe duke i dëshiruar suksese kësaj lëvizjeje në misionet që ata i kanë parashtruar vetvetes e që është ngritja e vetëdijes së qytetarëve për rëndësinë e pjesëmarrjes së saj aktive në jetën publike si dhe mospajtimi i tij me dukuritë abuzive në shoqëri si: korrupsioni, krimi i organizuar etj thuhet në njoftimin e LISBA-së./rajonipress/