Liruan kundërligjshëm një person, arrestohen dy policë nga Gjilani
RajoniPress
14:45, 20 Korrik, 2017
Gjilan – Inspektorati Policor i Kosovës (IPK) ka arrestuar dje 19.07.2017) dy zyrtarë policorë (një toger dhe një rreshter nga Stacioni Policor në Gjilan) lidhur me arratisjen e një personi të privuar nga liria deri sa ishte nën përkujdesjen e tyre. Komunikata e dërguar për media thotë se arrestimit i kanë paraprirë disa veprime hetimore pas të cilave me vendim të Prokurorit kompetent të dyshuarve u është caktuar masa e ndalimit policorë për 48 orë me dyshimin se kanë kryer veprën penale “Lirimi i kundërligjshëm i personit te privuar nga liria” nga neni 407 i KPRK-së.
IPK si pjesë e procedurave administrative dhe hetimore ka rekomanduar Policisë së Kosovës vazhdimin e suspendimit edhe për 30 ditë për dy zyrtarët policorë të përfshirë në këtë rast.
