Lirohet Selver Xhelili, beson në drejtësinë dhe pafajësinë e tij

Gjilan – Është liruar Selver Xhelili nga paraburgimi. Xhelili për rajonipress tha se pret drejtësi në rastin e tij sepse ai tërë kohën ka punuar për të sjellur rend, rregull dhe ligj në qytetin e Gjilanit.

Selver Xhelili është liruar dhe tani ndodhet në shtëpi. Ai ndihet tepër i revoltuar për arrestimin e tij pasiqë thotë se tërë kohën ka punuar për të mirën e qytetit dhe të qytetareve të Gjilanit.”Unë besoj në drejtësi dhe shpresoj se prokuroria do të hetoj çdo detaj sepse unë jam arrestuar në mënyrë të pafajshme. Nuk ka të bëjë me lidhje partiake apo me ndonjë hakmarrje siç po trumbeton opozita. Unë as nuk e di se çfarë partie ndodhet inspektori, por e di se ai ka punuar jashtë urdhrave dhe jashtë metodës së inspeksionit. Pres nga organet e drejtësisë të hetojnë se me urdhër të kujt ka dal inspektori në teren. Partitë politike nuk duhet të mbrojnë mjerimin derisa unë do të vazhdojë të punojë për qytetarin tonë. Unë askënd nuk e kam sulmuar e as nuk e kam shpërdoruar detyrën zyrtare. Ata me këto inskenime po mundohen t`i ikin përgjegjësisë” tha Xhelili.

Xhelili thotë se ka bërë punë të drejta dhe në interes të Gjilanit sepse kam goditur krimin e të gjitha llojeve./rajonipress/