Lirohet Sedat Fejza

Gjilan – Sedat Fejza nga Mogilla e Vitisë ish pjesëtar i tri luftërave është liruar nga Burgu i Dubravës pasiqë ka kryer pjesën më të madhe të burgut prej 6 vitesh. Me Sedat Fejzën ka eksperimentuar drejtësia meqë ai disa kishte deklaruar se nuk autor i plagosjes së dy priftërinjve në Kllokot. Madje Sedat Fejzës edhe burgu i Dubravës ia kishte vazhduar kohën e mbajtjes në burg deri më 23 janar 2016. Pasi Fejza reagoj publikisht në rajonipress për këtë skandal ai është liruar.

Sedat Fejza përfundimisht është liruar nga burgu i Dubravës këtë të premte. “Jam i lirë falë medieve që unë bëra publike një skandal që kishte të bënte me vazhdimin e burgut deri më 23 janar 2016. Ky ishte një eksperiment i radhës ndaj meje, por kur fola publikisht atëherë më liruan” shprehet Fejza.

Ndryshe Fejza është dashur ta kryejë burgun më 12 tetor 2015, por sipas tij ndërkohë i është sjellë një vendim se atij i është shtyrë data e burgut deri më 23 janar 2016 me arsyetimin se ka folur për media dhe ka dhënë informata konfidenciale.

Ndryshe Sedat Fejza nga Mogilla e Vitisë gjithmonë ka deklaruar se nuk është autor i plagosjes së dy priftërinjëve në Kllokot.

“Nuk kam qenë i implikuar në plagosjen e dy priftërinjve në Kllokot dhe s`kam fare të bëjë me ato vepra penale për të cilat jam dënuar në mungesë” pati thënë Fejza para trupit gjykues.

Trupi gjykues nuk e patë marrë parasysh as deklaratën e Novica Përzhiqit (1961) nga fshati Mogillë e Vitisë i cili patë deklaruar . “Nën përgjegjësi të plotë materiale dhe penale deklarojë se në verën e vitit 2000 , në muajin korrik, ditën kur është shtënë në dy priftërinjtë e Kllokotit i dënuari Sedat Fejza nga Mogilla e Vitisë i dënuar për këtë rast, në kohën kur është shtënë në priftërinjtë ishte në shtëpinë e tij dhe është e pamundur që në këtë interval kohor të ketë qenë edhe në fshatin Kllokot, kur është gjuajtur në drejtim të priftërinjve. Për krejt këtë që kam parë unë i kam rrëfyer dhe treguar edhe lartmadhërisë-priftit dhe jam i gatshëm që të njëjtën dëshmi ta vërtetojë ku është e nevojshme, sepse konsiderojë që është obligim i imi qytetar që të dëshmojë për atë që kam parë me sytë e mi “pati deklaruar Përzhiq./rajonipress/