Lirohet nga ndjekja penale Xhevat Bislimi e Avdulla Emini

Gjilan – Prokurori i rastit në gjykimin ndaj Xhevat Bislimit dhe Avdulla Eminit ka hequr dorë nga ndjekja penale. Fillimisht prokurori ka kërkuar ndryshimin e dispozitivit të aktit akuzues, që do të thotë nga vepra penale keqpërdorim i detyrës zyrtare të bëhet ne ricilësim të veprës penale shpërdorim i detyrës zyrtare. Gjykata ka pranuar këtë ricilësim të veprës penale, ndërsa vepra e ricilësuar është vjetërsuar për dy të akuzuarit tha Sabit Shkodra zëdhënës i Gjykatës Themelore në Gjilan.

Ndryshe Prokuroria Themelore në Gjilan, departamenti për krime të rënda kishte ngritur aktakuzë kundër Xhevat Bislimit e Abdullah Eminit të dyshuar për veprën penale “keqpërdorimi i pozitës apo autoritetit zyrtar”.

Ish nënkryetari i Komunës së Vitisë Xhevat Bislimi akuzohej zyrtarisht nga Prokuroria Themelore e Gjilanit për veprën penale “keqpërdorimi i pozitës apo autoritetit zyrtar”.

Departamenti për krime të rënda në Prokurorinë Themelore të Gjilanit pos Xhevat Bislimit, aktakuzë kishte ngritur edhe ndaj Abdullah Eminit zyrtar i prokurimit publik./rajonipress/