Lirohen nga obligimi për karantinim shoferët kosovarë e të huaj që transportojnë mallra

Ushtruesi i detyrës së ministrit të Punëve të Brendshme dhe Administratës Publike, njëherësh koordinator i Grupit ndër-institucional për menaxhimin e incidenteve, Xhelal Sveçla ka marrë vendim që të lirohen nga obligimi për karantinim shoferët e Kosovës dhe ata të huaj që transportojnë mallra, të cilët vlerësohen se nuk janë të dyshimtë me COVID-19.

Në njoftimin për media thuhet se të gjithë personat të cilët hyjnë në Republikën e Kosovës përmes pikave kufitare, pas nënshtrimit të kontrollit mjekësor, do të dërgohen në karantinë të përcaktuar sipas vendimit të Qeverisë, ndërsa përjashtim bëjnë shoferët që transportojnë mallra.

Ndryshe, sot në orët e pasdites janë konfirmuar edhe katër raste të reja me coronavirus në Kosovë, duke e çuar numrin në 28. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).