Lirohen 3 shqiptarë nga burgu për dëbim: Nuk mund të riatdhesohen për shkak të virusit

Tre shqiptarët janë lënë të lirë, duke ndjekur udhëzimin nga gjykata kompetente. Në këtë rast nuk mund të parandalohet kalimi i tyre në ilegalitet

Kantoni i Bernës ka liruar 14 persona nga paraburgimi për dëbim pasi që aktualisht nuk mund të transportohen për në vendin e tyre, për shkak të krizës së koronavirusit, shkruan sda.ch

Në mesin e tyre tyre janë tre shqiptarë, të dënuar për tregti me drogë.

Drejtori për çështje të sigurisë në Kantonin e Bernës Bernës, Philippe Müller (FDP) ka konfirmuar një artikull të botuar në gazetën “Berner Zeitung”, i cili bën fjalë rreth kësaj.

Tre shqiptarët janë lënë të lirë, duke ndjekur udhëzimin nga gjykata kompetente, transmeton albinfo.ch. Sipas Müller, në këtë rast nuk mund të parandalohet kalimi i tyre në ilegalitet. Kjo pasi që monitorimi nuk është i lejuar me ligj.

Ndryshe, 14 personat me shtetësi të huaj janë liruar përmes të ashtuquajturit ligj administrativ i imigracionit pasi që nuk është e sigurt se kur do të rifillojnë lidhjet ajrore me vendet e tyre të prejardhjes, përcjell albinfo.ch. “Një arrestim i sërishëm i tyre do të ishte disproporcional” ka thënë Müller.

Ndër personat e liruar janë gjashtë azilkërkues, kërkesa e të cilëve është refuzuar dhe ata ishin në pritje të dëbimit, shkruan BZ, duke iu referuar Drejtorisë Kantonale të Sigurisë

“Ata të burgosur të huaj që përbëjnë kërcënim të konsiderueshëm për sigurinë dhe rendin publik nuk duhet të lirohen për shkak të vështirësive të përkohshme të zbatimit, përcjell albinfo.ch. Në rastin e tre tregtarëve me drogë, gjykata kompetente ka konsideruar se një zgjatje e paraburgimit të tyre do të ishte gjithashtu disproporcionale nga pikëpamja e sigurisë publike”, ka thënë veç jerash Müller.

Lirohen 3 shqiptarë nga burgu për dëbim: Nuk mund të riatdhesohen për shkak të virusit