Kush është 10-shi i Kosovës U-21? Kjo ishte pyetja e shumë tifozëve në stadiumin Fadil Vokrri.
I shpejtë, i fortë driblime dhe lider në fazën ofenzive. Quhet Lirim Kastrati dhe ka bërë një paraqitje të jashtëzakonshme mbrëmë ndaj Turqisë.
Talenti nga Hogoshti ishte futbollisti më i mirë te “Dardanët”, në fitoren e madhe 3-1, në sfidën e grupmoshës U-21 për kualifikimet në Kampionatin Evropian.
Me depërtimet e pandalshme dhe pasimet për shokët, Kastrati ishte “motori” i ekipit të Rafet Prekazit në sulm, duke kënaqur zemrat e mijëra tifozëve të pranishëm në tribuna, që shpesh u ngritën në këmbë me ovacione.
Pas përfundimit të ndeshjes, fansat në stadium, por edhe në rrjetet sociale, kishin fjalë të mëdha për Kastratin, i cili është ftuar disa herë edhe në ekipin A.
Luan tash e një vit e gjysmë në Lokomotivë të Zagrebit ku shpesh shënon.
Ai foli pas ndeshjes duke thënë se është i me fitoren dhe paraqitjen e ti.
“Jam shumë i lumtur, i falënderoj djemtë që dhanë gjithçka dhe tifozët. Pasi na zbardhi fytyrën Kosova A, na duhej edhe neve të fitonim”, ka thënë Kastrati.
Kjo fitore e bën lider Kosovën U-21 me 6 pikë. /Telegrafi/
