Lirik Bajrami futbollist për të cilin do të flitet

Gjilan – Qyteti i Gjilanit vazhdimisht ka pasur talent të futbollit, njëri ndër ta është edhe 18-të vjeqari, Lirik Bajrami. I dashuruar në lojën “magjepse”, të futbollit që nga mosha 8 vjeçare ai asnjëherë gjerë më tani nuk u nda nga fusha e blertë e futbollit.

Bajramit shumë ekspert e trajner te futbollit i parashikojnë një karrierë të ndritshme futbollistike, por Bajrami përpos që është një talent i madh i futbollit ai është edhe një nxënës shembullor i cili pritet tani të regjistrohet në Universitetin e Prishtinës.

Për 18-të vjeqarin, Bajramin, futbolli është një pasion i madh në jetën e këtij të riut, ai karrierën e filloi në KF Gjilani gjerë në moshën 13-të vjeçare për të vazhduar në FC Drita.

Bajrami kontribut të jashtëzakonshëm jep në rolin e sulmuesit qendror, i cili është i pamëshirshëm për portat kundërshtare i cili në të shumtën e rasteve është shpërblyer për golat më atraktiv në turnirë të ndryshme si në futbollin e madh njashtu dhe në atë të vogël.

“Si fëmijë loja e futbollit më ka pëlqyer për tu dashuruar, gjerë më tani futbolli është një pasion i cili më jep kurajo për jetën e përditshme është një relaks dhe ndihem jashtëzakonisht mirë kur jam me topin e futbollit”, thekson Lirik Bajrami.

Talenti i futbollit Bajrami, shumë shpejt të jetë pjesë e ndonjë skuadre nga kryeqendra e Kosovës, për këtë është në kontakt me disa skuadra të cilat kanë shpreh interesim, ndërsa është shumë befasuese se si skuadra e Dritës liron me kaq lehtësi talentët e saj.

“Tani do të jem shumë shpejt student, kemi disa kontakte me disa skuadra nga kryeqendra shumë shpejt do të mësohet emri i ri i skuadrës do të dëshmoj se kam kualitete të futbollistit”, ka bërë të ditur talenti Bajrami.

Siç ka theksuar futbollisti Bajrami, i cili është një fans i topgjinjëve të Arsenalit të Londrës dhe shpreson se një ditë së paku do të luaj si idoli i tij Jack Wilshere, ka shpresa të mëdha t`i bashkëngjitet futbollit të Gjermanis.

“Jemi në negociata me skuadrën e Gjermanisë, Lokomotiva Stendal, për një kohë të shkurt do të shohim se a do të më përgatitet dokumentacioni, në qoftëse po atëherë shumë shpejt do të jem pjesë e futbollit të Gjermanisë”, theksoi 18-të vjeqari, Bajrami.

Me talentin dhe inteligjencën që ka ky talent i futbollit shumë shpejt do të na bën krenar jo vetëm në futbollin e Kosovës por edhe më gjerë, ndërsa skuadrat Drita e Gjilani duhet pasur më tepër kujdes tek talentët e tyre e jo ti anashkalojnë në këtë mënyrë./rajonipress/