Lipovica: Në Viti shënohet ulje e rasteve të vjedhjeve

Viti – Agim Lipovica, ka theksuar se situata është shumë e mirë, si në aspektin e sigurisë, po ashtu edhe në uljen e rasteve të vjedhjeve, ku në periudhën e fundit mujore nuk është shënuar asnjë rast i vjedhjeve të rënda.

Kapiteni Lipovica ndër tjerash ka apeluar tek qytetarët e komunës së Vitisë për respektim të rendit dhe qetësisë publike gjatë festimeve në dasma e ahengje, respektim të rregullave të komunikacionit, pasi që kemi një fluks më të madh të veturave tani, si dhe ka tërhequr vërejtjen për sigurimin e pusetave nga bujqit, në mënyrë që mos të rrezikohet jeta e qytetarëve.

Është mbajtur mbledhja e katër e rregullt e Këshillit Komunal për Siguri në Bashkësi, në të cilën është shqyrtuar edhe Propozim Rregullorja e re e Punës së KKSB-së. Në këtë mbledhje, kryetari i komunës Sokol Haliti, ka njoftuar anëtarët e KKSB-së me aktivitetet komunale, ku mes tjerash ka përmendur vizitën tre ditore të delegacionit nga Komuna e Kirchhainit të Gjermanisë.

Anëtarët e KKSB-së, pasi kanë dhënë propozimet dhe vërejtjet rreth propozim rregullores së punës, me shumicë votash e miratuan atë për procedim në Komitetin për Politikë e Financa, e që mandej të kaloj edhe në Kuvendin Komunal për miratimin final.

Lidhur me situatën e sigurisë në komunën e Vitisë, komandanti i Stacionit Policor kapiten Agim Lipovica, ka theksuar se situata është shumë e mirë, si në aspektin e sigurisë, po ashtu edhe në uljen e rasteve të vjedhjeve, ku në periudhën e fundit mujore nuk është shënuar asnjë rast i vjedhjeve të rënda.

Kapiteni Lipovica ndër tjerash ka apeluar tek qytetarët e komunës së Vitisë për respektim të rendit dhe qetësisë publike gjatë festimeve në dasma e ahengje, respektim të rregullave të komunikacionit, pasi që kemi një fluks më të madh të veturave tani, si dhe ka tërhequr vërejtjen për sigurimin e pusetave nga bujqit, në mënyrë që mos të rrezikohet jeta e qytetarëve./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).