Linda, harron vendlindjen për Nju Jork-un

Këngëtarja nga Vitia e Kosovës, Linda Halimi, s’ka dyshim, pas martesës me Big D, është akomoduar mirë në SHBA, dhe atë pikërisht në Nju Jork, ku edhe po korr sukses në ndërtimin e një rrethi të mirë të njerëzve me influencë në botën e muzikës, me shpresë që do t’i ndihmojnë edhe asaj të hyjë suksesshëm atje.

Por, duket sikur ka harruar vendlindjen e saj, qytetin e Vitisë afër Ferizajt, pasi tash ka krijuar një “vendlindje” të re ku e ndjen veten më të kompletuar. “Qyteti im i bukur i Nju Jorkut… më ke munguar! Jam kthyer në NYC, tani jeta ime është kompletuar!”, ka shkruar Linda në njërën nga fotot e Nju Jorkut që ajo ka postuar në rrjetin e saj social, pas kthimit në këtë qytet nga një udhëtim i saj nëpër Amerikë.

Nuk e dimë nëse këngëtarja do gëzohet në këtë masë kur të kthehet në vendlindjen e saj të vërtetë.