Linda Halimi lavdëron Flakën e Teuta Kurtin

Njëra ndër këngëtaret me zërin më të fuqishëm në skenën tonë, Linda Halimi, duket se nuk ka problem të lavdërojë koleget e saj të cilat po ashtu shquhen për zërin e tyre të bukur.

Ajo në faqen e saj zyrtare në rrjetin social ‘Twitter’, ka lënë një mbishkrim ku thekson se ne kemi këngëtarë të talentuar e vokale shumë të mira, ndërsa ndër ta, Linda përmend Teuta Kurtin e Flaka Krelanin, për të cilat thotë se janë vokale të jashtëzakonshme.

“Kush ka thonë që ne s’kemi këngëtare të talentuar? Kemi yjet me vokal të jashtëzakonshëm si Teuta Kurti, Flaka…”, ishte ky mbishkrimi i këngëtares i cili ishte përcjell me shumë komente nga fansat e saj të cilët pohonin atë që Linda e kishte shkruar. Ndryshe Linda tash e sa kohë po jeton në Amerikë me bashkëshortin e saj, ndërsa kohë më parë nëpërmjet ‘facebook’, ka treguar se është duke punuar në risi.